Chop Chop 食神叉燒 (新城市廣場) (已結業)

午餐嘅时候同同事嚟咗呢度食，两个人食，叫咗两个饭同埋一个小菜，仲有汤送。我叫咗嘅呢个系正宗暗然销魂饭，其实系用咗特级嘅鸡蛋同埋呢度最出名嘅叉烧整成嘅，我自己食落嘅时候，最钟意嘅系戳穿只蛋，见住啲蛋汁慢慢咁样流出来，，捞埋啲饭食，真系几唔错。我另外亦都钟意佢呢度嘅叉烧，叉烧嘅外皮有少少硬，亦都少少脆，叉烧嘅上层系肥膏，下层系肉，很分明，而且每一旧叉烧嘅比例分布都好平均，水准都好Standard。佢呢度亦都有自己特色嘅酱汁，系豉油再加埋姜戎嘅混合，成个叉烧点落去，几香几好食。呢度嘅小菜：咖喱鸡都唔错，佢嘅咖喱鸡唔系好辣，亦都唔会系好多椰奶好多分𠮶种，反而𠮶种感觉似系茶餐厅大排档小菜煲果种，炒得几香，鸡肉亦都几好食。最钟意佢呢度系白饭任装，👍👍最后用一杯冻柠宾埋尾。