好叉好味 (禧利街)

营业中

休息中

今日呢间餐厅主打靓叉烧，我本身好钟意食叉烧所以一定要试一试。调味有四款选择：焦蜜、柚香、辛麻同埋黄金。肉类有三款选择：叉烧、烤鸡同埋双拼。最后就有三款选择：白饭、菜饭同埋沙律。我就选择左焦蜜双拼菜饭，嚟到嘅时候面头仲有一只半熟荷包蛋，讲真基本上叉烧蛋饭就已经冇得输，蛋黄加豉油捞饭对我来讲已经可以送成碗白饭，首先讲下主角叉烧，佢刻意将叉烧嘅边边烧到有啲㶶㶶哋，通常𠮶啲我就觉得最好食，叉烧非常淋，好香蜜糖味，再加埋少少焦香味，好食！跟住就喺度烤鸡，烤鸡都系甜㗎，鸡肉有少少弹性而且好惹味，唔会好干，两款肉类都系好食👍🏻。美中不足嘅就系菜饭，我唔知系咪佢今次煮饭嘅时候多水得滞，啲饭有啲烂，饭粒好似有啲发胀左嘅感觉，其实有啲似隔夜饭重新再加水煮过嘅感觉，呢种饭我就唔钟意食啦。