阿爺燒鵝餐室 (已結業)

番屋企前决定去斩料孝敬家人，听过西湾河呢度有间几出名嘅烧味舖，未试过就决定买番啲返嚟试吓啦。呢度出名系烧鹅，唔知买乜就买返只烧鹅髀返去啦。要成$100，应该都有啲质素保证既，但系见到呢个份量唔系咁多，要喂饱家人我都再买多$50叉烧。等左10分钟左右就攞得啦。舖头出面都几多人买外卖。攞住外卖返屋企途中一路都觉得好香，返到屋企都急不及待开黎食啦。叉烧系半肥瘦，表皮嘅蜜汁够晒甜，咬落唔会好鞋。烧鹅髀系呢度嘅招牌，髀肉够晒嫩滑，点一点最佳拍档甜酸酱，鹅味出晒黎。烧鹅表皮系用咗呢度出名嘅烟熏制作，别有一番风味，家人试过都话好食!