鴻師傅 (已結業)

喺附近上堂之前食个下午茶，网上见到呢个餐厅叉烧唔错，而下午茶价钱亦同其他茶餐厅差不多。餐厅喺东广场嘅商场入边，成个商场都系食肆，大部份都系小店，呢一间算系最大嘅其中一间，左边系泰式右边系中式烧味。先系柜台俾钱然后听号码自己去攞嘢食，快餐店嘅安排。迷你饱汁叉烧饭（$38），4片叉烧，都系瘦叉烧，饱汁味道偏淡，可能系收叉烧嘅原因，肉质比较韧，小小‘鞋’口，水准真系一般，同预期差好远。脆皮烧腩软法包反而抵食夹大件，有两片脆皮烧腩，上枱时仍然脆，烧腩肉比较肥，但味道都可以，但以呢个价钱（$25）都算几抵。