最掂燒味 (已結業)

话说家中大厨罢煮，屋企又无储粮，懒起上嚟唯有付出代价叫贵贵外卖。其实袋鼠某啲餐厅可能因抽佣关系，外卖既价钱系比堂食贵好多！就讲呢份「最掂叉烧濑粉」袋鼠价$49，堂食价$40；而「果酱甜酸齌」袋鼠价$28，堂食价$18，食物份量仲比起外卖自取既少。至于讲番食物味道的确有如餐厅霸气名称一样「掂」，毫无失威！「最掂叉烧濑粉」叉烧唔会好肥，但又做到保留油香，即使唔食肥膏都唔需要避得咁辛苦。濑粉够滑够香，虽然客人应该多数叫烧味都系跟饭，不过濑粉都无揸流滩。魔鬼在细节，食碟头嘢最怕遇到又老又多渣嘅嚡烚烚配菜，好彩餐厅同样无为悭成本而影响食物整体。「果酱甜酸齌」其实系为叫满袋鼠最低外送额$85先搭单要的，个名怪怪地，但食落好正常仲几好味添。嗯......不过一兜仔要$28就下次不了噜。