英都燒味廚房

营业中

休息中

腊味糯米饭，首先一定要睇吓个糯米饭炒得够唔够香、够唔够干身、够唔够入味。当然最紧要就梗系要有靓腊味。好钟意佢哋个糯米饭炒得有香又热，啲花生粒脆卜卜，最紧要系啲腊味够多够靓，一碗饭入面食到有腊肠粒、腊肉粒、虾米粒、又够油香，加埋炒到脆卜卜花生粒捞埋一齐，越食越好食。佢而家仲加埋烧味，一系叉烧，一系烧鸭拼腊味糯米饭。我今次就拣咗叉烧，英都啲叉烧唔错啖啖肉，唔系死实实𠮶啲。可以一啖糯米饭一啖叉烧，个感觉又唔同晒，好似冇净系食糯米饭咁孤单。