王牌·圍一叉燒

营业中

休息中

开头以为餐厅好细，原来仲有上层，但上层热啲焗啲，好在用餐当日天气凉啫。一坐低，未落单，呀姐已经放低两碗例汤，汤清微甜够味（不含味精，的确，之后无口渴）。XO酱滑蛋虾仁拼叉烧饭（$64）冻柠檬茶（+$5）卖相不错，份量正常。虾仁有四大只，爽口但无咩味；叉烧约有五片，大细厚薄适中，肥瘦均匀，肉质软嫩及爽口，味道不错；滑蛋炒得刚好，唔会太老；XO酱不是炒埋落啲蛋度，而只系放一pat系面，颇辣少咸但鲜味欠奉。蜂蜜叉烧脆猪（$38）冻柠檬茶（+$12）叉烧超大旧，又够厚，肉质嫰，一啲都唔嚡，口感十分丰富。脆猪够脆，表面淋上蜜糖。PS：只收现金。