茶咖宅 (已結業)

上环区食叉烧蛋饭嘅餐厅多，应该好多人都知，要数出名嘅，相信三眼仔叉烧饭就系人都识。不过最近系附近见到个易拉格，有间餐厅又系出名叉烧蛋饭，个名都几有趣叫茶咖宅，于是lunch有时间就行上去试下。餐厅装修主打工业风格，open kitchen，铺位唔算大，但睇得出门面同个名一样，有花过心机设计过。至于个上环叉烧炒蛋饭，又认真唔错㖞。先讲个蛋，炒得好滑身，但一D都唔水，而且无奶味，纯炒蛋做到咁嫩滑，都几难得。d叉烧亦不俗，肥瘦适中，唔系硬身瘦叉烧，食落有口感，肉质亦松化。而且配菜系一大堆椰菜，比起一般烧腊饭健康得多。䜴油系用新加坡式甜豉油，意外地配合个蛋同椰菜，不错不错。虽然地点系远左d，不过经过会再食，值得一试。