焰拉麵 (已結業)

假日同另一半去咗大棠睇红叶，完左之后坐巴士返朗屏，落左巴士后行两步就见到好多野食。简左呢间日本拉面店，装修都好得意，好传统风格，仲写明唔做外卖咁串。入去后有亮点，细心之处系佢有个架系墙身，冬天大褛/袋都唔洗阻住自己食饭，赞!在下叫左个鲜焰拉面，上碟时仲有几条鱼游左上黎。先饮个汤，好浓既猪骨汤，好香但无咩鲜味。因为我叫左浓汤底，大家记住鲜焰要配淡底啊，于是我加左好多佢哋自己酿既鱼露，汤底立即好鲜味!面身好软，我叫左软嘛！不过挂汤能力好高，浓浓既味道再食件叉烧先。一入口，鸡黎嘅！我呢刻先记起我点左叉烧鸡，因为佢个样真系好似叉烧(猪肉)，我真心以为佢系一碗普通既叉烧拉面。呢一刻真系好有惊喜，肉质鲜嫩唔会老，原全无overcooked，仲好入味。而且食完碗面都唔会口干，想饮好多水，汤底应该唔系靠味精，已经好过有啲系铜锣湾登龙街，靠味精为生既拉面店。食完野望入厨房，居然比我见到厨师系度即包饺子，但我望返点菜纸又无饺子比我点，原来系张poster既角落有写。如果比我一早见到，我即刻点返份。自家制饺子㖞，可以系一个宣传点，都唔明点解得咁少提。