鳴虎 (北帝街) (已結業)

准备同Honey出街食饭，大家都左谂右谂之际，路经土瓜湾北帝街见到有拉面，原来我哋都好耐无食过，咁就决定试吓呢间鸣虎。我就点咗黑鸣虎汤底，honey就点咗鸣虎汤底，另外再加咗肉饺子同埋芝麻鸡翼。例牌拉面嚟到就紧系即刻试吓个汤底先，黑鸣虎其实系博多嘅黑蒜油，黑蒜嘅味道都几特出，而猪骨汤又唔会觉得好油腻嘅感觉，好好味！而叉烧够淋之余又够滑，平时只食到一块嘅我，都可以清哂两块叉烧！而Honey𠮶碗嘅汤底系鸣虎，即系日本鱼干+猪骨汤，呢个汤底就浓味D，啱晒食开重口味嘅人。另外饺子同芝麻鸡翼都好好味，两款都好香脆！