樂怡餅屋 (已結業)

提起粉岭嘅「乐怡饼屋」，好多人第一时间谂起佢哋啲3D立体蛋糕，造型唯肖唯妙，不过，今晚食到嘅就唔喺3D立体蛋糕喇，只喺港式嘅经典鲜果忌廉蛋糕。事缘相隔近两近，三几个旧同事约埋家聚，饭后食个蛋糕作甜点。 外观就真喺好传统嘅款式，外围唧满忌廉，但睇得见手功都好细致，而面头就铺满生果，有哈蜜瓜、士多啤梨、水蜜桃、菠萝及奇异果，件件都好大件，交足货，无欺场。 啲生果故然都好香甜，而海绵蛋糕做得非常松软，里面亦塞满杂果，所以，食起嚟都好清爽；忌廉打得好柔滑，当然，怕肥嘅人就怕怕哋，唔怕嘅就觉得口感软滑并充满奶香。 老实讲，今次唔喺咩特别嘅款式，或新奇嘅口味，只喺好普普通通嘅鲜果忌廉蛋糕，好多街坊饼店都有卖，但对我哋一班中佬、中女，喺一份怀旧味、喺一份回忆，祝愿大家友谊永固。