點‧粵 (已結業)

邻居兼好朋友要去加拿大移民🥲，所以约左佢系屋企附近食farewell dinner，我拣左平时我地食开既餐厅。虽然餐厅已经转左名叫点．粤，但入面装潢大致上一样，食物款式一样有我地钟意既银芽肉丝脆面🥰银芽肉丝脆面真系食极唔厌，而且打卡一流，脆面好似识飞天咁😱。芡汁淋系脆面上面，令面条又脆又软。另外配料有猪肉丝、银芽、菇丝等，口感丰富。职员会等我打完卡先带我地煎开面条，非常贴心😍怀旧虾多士亦系平时必点食物，多士非常脆口，鲜虾肉质弹牙，整体唔油腻😋秘制鸡煲系餐厅新菜式，我哋叫咗半只，鸡件切得好细件，味道唔错够入味，入面仲有薯仔同洋葱。均衡饮食好重要，所以最后叫左金银蛋浸小棠菜，面头好多咸蛋黄同皮蛋粒，小棠菜好清甜。希望我同朋友既友情好似呢间餐厅一样，虽然名字改左，但最重要嘅菜式仍然屹立不倒。到时等朋友返黎香港再食过！