巧興麵食店

营业中

休息中

首先，提提大家或者admin，巧兴o既开铺时间系10:00而唔系09:00，要update番。点解我会咁讲呢？事缘上星六早上去开土瓜湾，searched openrice话巧兴开09:00，咁啱又未食早餐，所以谂住响门口放低架车然后等开门。点知到九点，都未开大闸，于是我绕过已开o既侧门问吓铺里面o既老板娘问开几点，点知佢讲完「开十点钟」之后，就叫我咗入去坐低叫嘢食！当时里面仲系预备紧嘢食，心谂极之唔到意思，自己都仲不停同老板娘讲唔好意思，幸而对方话「唔紧要啦」。坐低后，点咗一碗北京水饺面同埋一碗热豆浆…… 后者仲要系刚刚整好，去埋面头层衣就舀咗碗俾我。仲递咗盒糖俾我自己加（其实5日之后证实唔加糖都一样咁好饮）。食完之后，共付$36，本来叫佢收$40算（事关人地未开门就走去白撞光顾，当俾贴士啦），但佢坚持唔收多…… 细个住土瓜湾，呢间开响宝马车行斜对面果阵已经食开，到今时今日质素仍依旧有水准。5天之后，再次光顾晚市并已吃饱，以示支持。