影片
更多
2022-09-28
638 浏览
好耐冇去过长洲，难得去到梗系要揾吓有咩食啦，见有人介绍呢间Cafe好似几好食咁，都系抱住打卡心态过去，应该都系啲贵又唔饱嘅cafe，仲唔知会唔会要排长龙添。呢日嚟到长洲系星期五，街上都有好多人，但系呢间Cafe竟然冇人排队，一入去就有位，只系一间小店，得十几个位，如果假期应该真系要排队！天气热，一坐低老板娘就即刻拎两个风扇嚟俾我哋吹，坐咗5分钟左右，另一枱走咗，老板娘即刻叫我哋坐过去，话𠮶度凉啲，仲系4人枱添，其实店入面有2部冷气，都唔系好热。老板娘负责落单、煮嘢食、收钱，得佢一个煮，即叫即整，所以真系要耐心等等，不过呢日得我哋一枱客食嘢，另一枱客净系饮咖啡，所以我哋都唔洗等好耐先有得食，不过一定系逐样煮逐样上，系cafe慢慢食都几好丫。老板娘上菜嘅时候仲会同我哋介绍佢点冲呢杯饮品，下面落咗咩上面加咗咩，之后又问我哋会唔会太甜。蜜桃梳打唔甜，我好怕甜，好彩唔算甜，但又唔会好淡，唔甜所以饮到好香桃味。拥抱星尘(红莓、青柠、蜜桃、蝶豆花、玫瑰花瓣、梳打水)蝴蝶装饰系用糯米做，浸淋佢可以食埋，杯饮品除咗睇落靓，都好饮，唔会好酸或者好甜午餐得一个选项系意粉，可以加钱加烟三文鱼或者黑松露，我哋两
呢日嚟到长洲系星期五，街上都有好多人，但系呢间Cafe竟然冇人排队，一入去就有位，只系一间小店，得十几个位，如果假期应该真系要排队！
天气热，一坐低老板娘就即刻拎两个风扇嚟俾我哋吹，坐咗5分钟左右，另一枱走咗，老板娘即刻叫我哋坐过去，话𠮶度凉啲，仲系4人枱添，其实店入面有2部冷气，都唔系好热。
老板娘负责落单、煮嘢食、收钱，得佢一个煮，即叫即整，所以真系要耐心等等，不过呢日得我哋一枱客食嘢，另一枱客净系饮咖啡，所以我哋都唔洗等好耐先有得食，不过一定系逐样煮逐样上，系cafe慢慢食都几好丫。
老板娘上菜嘅时候仲会同我哋介绍佢点冲呢杯饮品，下面落咗咩上面加咗咩，之后又问我哋会唔会太甜。
蜜桃梳打
唔甜，我好怕甜，好彩唔算甜，但又唔会好淡，唔甜所以饮到好香桃味。
蜜桃梳打
$20
3 浏览
0 赞好
0 留言
拥抱星尘(红莓、青柠、蜜桃、蝶豆花、玫瑰花瓣、梳打水)
蝴蝶装饰系用糯米做，浸淋佢可以食埋，杯饮品除咗睇落靓，都好饮，唔会好酸或者好甜
拥抱星尘
$58
4 浏览
0 赞好
0 留言
午餐得一个选项系意粉，可以加钱加烟三文鱼或者黑松露，我哋两样都冇加，配料主要烟肉同菇，厂汁的，意粉较干身不过唔硬，只系香草同芝士粉，都几多芝士粉，味道好浓。
午餐包一杯乌龙茶，加咗$20升级做蜜桃梳打。
意粉
$58
7 浏览
0 赞好
0 留言
炸鸡翼
即炸热辣辣又脆，上面少许香草，味道唔会太劲，鸡翼好juicy
炸鸡翼
$36
4 浏览
0 赞好
0 留言
炸墨鱼咀
本身叫炸薯条但冇晒，老板娘问我哋试唔试墨鱼咀，话好食，咁就试吓啦。试完觉得，真系好彩冇晒炸薯条，先试到墨鱼咀，好香脆，好有口感，老板娘话似鸡软骨但我觉得唔太似，鸡软骨难咬好多，呢个系爽口弹牙，啲墨鱼咀咁细粒，以为炸完会每粒都有一半系粉，点知个炸粉好薄。
炸墨鱼咀
2 浏览
0 赞好
0 留言
网上推介呢间cafe出名嘅系芋泥吐司，当然要叫份试吓。
一份有2件，一人一件岩岩好，吐司有芋泥肉松同芋泥珍珠，拣咗芋泥肉松，本身好唔钟意食肉松，谂住拨走晒佢，试一啖又ok，因为唔浓肉松味同埋唔鞋。
入面有好多芋泥，爆晒馅，好食，啲芋泥唔会好甜，唔会食到好滞，不过有啲意外系原来唔系热辣辣，系室温，但个包都唔会太硬。
紫薯芋泥肉松吐司
$40
10 浏览
0 赞好
0 留言
紫薯芋泥肉松吐司
$40
3 浏览
0 赞好
0 留言
最后两个人食到好饱都系食咗2百几蚊，又睇得又食得，打卡好睇，食又好食。仲唔洗收加一，好抵，老板娘仲好随和。
最后老板娘话佢哋巴斯克芝士蛋糕都好食，问我哋试唔试，但好饱食唔落啦，留翻下次再试啦。
张贴
