紅跑車越南餐室 (已結業)

三五知己, 再一次光临, 味道依然, 所以同爱吃一族分享一下, 雪啡奶 – 香浓新鲜嘅咖啡豆用越南滴滴咖啡方式, 配炼奶, 冰底. 咖啡, 炼奶嘅香滑比港式咖啡出色.酸窝牛肉 - 酸酸嘅窝底加上安格斯牛肉跟生菜, 味道一绝.咖喱牛筋腩煲(跟法包) – 净系个样已经好吸引, 淋牛筋腩带出越式嘅咖喱味道, 配埋法包, 哗! Kawaii !!烧鱼 - 香茅放入鱼身烧, 鱼皮脆, 鱼肉带点香茅o既清香.牛油香草羊架 – 未上枱先比牛油香吸引, 羊架夹杂牛油同香草带出嘅味道, 妙!红跑车招牌汤河 – 论味道真系无咩特别, 牛嘅配料多, 不过唔够热, 失咗小小分.花生酱香蕉卷配雪糕 – 个人而言, 除咗春卷皮脆之外, 味道一般, 但可以睇出厨师嘅心思.今次去系想带朋友同老板龙哥饮下酒, 吹下水, 可惜龙哥不在, 好彩热情嘅服务员珊珊, 华华同老板娘Sandy一样友善亲切, 仍然可以比人感觉到𠮶种朋友式嘅亲切服务.P.S. 我哋一行四人入座卡位, 略厌窄咗d.