影片
更多
2024-11-27
1101 浏览
前文提要，同旧同事嚟个本土小旅行，过到嚟「将军澳」探索吓，完晒啲行程，晚饭就晌「日出康城」揾揾有咩乜，最后见到「乐天」，可以叹吓小笼包。不过，坐落先发觉搞错咗，呢间喺「乐天经典」，唔喺「乐天皇朝」，虽然属同一集团，但走嘅路线唔同，我个人较喜欢后者但既来之，则安之，等旧同事又可以试吓唔同嘅嘢。餐厅地方都几大，装修亦都几雅致，我哋被安排坐近落地玻璃一边，感觉开扬啲之余，仲可以睇到下面嘅溜冰场。虽然有餐牌，但餐厅就鼓励客人以二维码落单，当然，我哋研究咗好耐叫乜嘅时候，店员都会走过嚟问使唔使帮手。餐牌大大本虽然无影，但临尾晌门口见到一啲店家嘅美食推介，顺手贴埋出嚟俾大家参考。小食 $15甫坐低，就放咗碟小食，是夜喺黑木耳，比起一般嘅花生好好多，而且，非常之大碟，酸香醒胃，又好爽脆，$15俾得值。冰镇苦瓜 $52以前去亲「 蒲田」都会点呢道苦冰镇苦瓜，估唔到晌「乐天」都有，所以专登叫俾大家试试。苦瓜虽然苦，但因为佢刨到好薄，再沾上蜜糖，食起嚟变咗甜中带甘，啲苦瓜片又非常之爽脆。黄金鱼皮 $82试咗道健康嘅冷盘，依家就再试埋呢道邪恶嘅小食。本身炸鱼皮就已经喺好香脆可口，但沾上咸蛋黄，𠮶份咸香味就令
餐厅地方都几大，装修亦都几雅致，我哋被安排坐近落地玻璃一边，感觉开扬啲之余，仲可以睇到下面嘅溜冰场。
虽然有餐牌，但餐厅就鼓励客人以二维码落单，当然，我哋研究咗好耐叫乜嘅时候，店员都会走过嚟问使唔使帮手。餐牌大大本虽然无影，但临尾晌门口见到一啲店家嘅美食推介，顺手贴埋出嚟俾大家参考。
小食 $15甫坐低，就放咗碟小食，是夜喺黑木耳，比起一般嘅花生好好多，而且，非常之大碟，酸香醒胃，又好爽脆，$15俾得值。
冰镇苦瓜 $52以前去亲「 蒲田」都会点呢道苦冰镇苦瓜，估唔到晌「乐天」都有，所以专登叫俾大家试试。苦瓜虽然苦，但因为佢刨到好薄，再沾上蜜糖，食起嚟变咗甜中带甘，啲苦瓜片又非常之爽脆。
黄金鱼皮 $82试咗道健康嘅冷盘，依家就再试埋呢道邪恶嘅小食。本身炸鱼皮就已经喺好香脆可口，但沾上咸蛋黄，𠮶份咸香味就令鱼皮嘅滋味升几级，十分惹味。
姜葱爆生鱼片 $128虽然唔知生鱼片喺用咩鱼，但啲鱼片大大件，又炒得够晒镬气之余，口感仲好嫩滑，又有鱼嘅鲜甜味，加上以姜葱爆，𠮶份姜葱香气非常之香。
砂锅豆腐虾 $128以原个砂锅上，自不然够晒滚热焫，咪睇个样好似无乜虾，其实锅内有唔少，仲大大只，兼且几爽口鲜甜；而啲豆腐都颇为滑溜，几有豆香，以整体味道比较清啲。
古早鱼香老鼠粉煲（细）$88叫份细煲已好够我哋4个人食，因为内里嘅银针粉其实都几多。粉内除咗有啲咸鱼提味之外，仲打咗只鸡蛋，有点画龙点睛之效。此外，仲有啲虾仁食吓，都几好味㖞。
整体而言，招呼算喺唔错，我哋就无乜叫啲贵嘢，如海鲜类，而连埋茶钱$6位，每人都喺百松啲。食都喺其次，难得大家抽空出嚟聚一聚，吹吓水。
张贴
