影片
更多
2013-12-22
952 浏览
虽然搬嚟美孚已经有4年，友乐亭一直只放晌待试名单，诸多原因拖吓拖吓一直未有帮衬，今次卒之趁个好胏妹生日，佢又喺哈日一族，一于拉队我哋一班美孚街坊之友晌处食番餐，一边食就一边讲番早前一齐去旅行嘅轶事。我哋一行7人，虽然老早订咗位，仲提早嚟攞位，都要等成半粒钟先至俾到位，只喺有人走咪俾枱𠮶只，根本订位都有啲多余。其实店内枱櫈排得颇逼，不过，装潢上又确实几有气氛，尤其店内正中央天花，一大盏巨型日式灯笼吊灯，甚抢眼。此外，近玄关嘅酒柜，一排又一排挂有熟客名嘅清酒，可见小店甚受欢迎。翻一转餐牌，不愁无选择，由刺身、寿司、手卷、卷物、佐酒小食、串烧、烧烤鱼类、一品料理、炸类、锅物、沙律、日本风味、饭类、面类，到饮品、甜品过百款选择，款式繁多，而定价属中等价位。我哋依班「美孚街坊」唔算好拣饮择食，口味亦唔多「奄尖」，所以全交由小弟发板，为咗一试师傅晌各领域嘅手势，尽量各种类都点啲。顺带一提，服务方面个人觉得好一般，由等位、点菜到上菜，唔可以话差，个人觉得只喺缺少份做日本饮食对待客人嘅热诚啫。好似等位期间，啲店员都无理过我哋，只喺挂住招呼阿乜生乜太熟客，就算我哋问都只喺话叫我哋等多阵，好彩老友唔介意咋
其实店内枱櫈排得颇逼，不过，装潢上又确实几有气氛，尤其店内正中央天花，一大盏巨型日式灯笼吊灯，甚抢眼。此外，近玄关嘅酒柜，一排又一排挂有熟客名嘅清酒，可见小店甚受欢迎。
翻一转餐牌，不愁无选择，由刺身、寿司、手卷、卷物、佐酒小食、串烧、烧烤鱼类、一品料理、炸类、锅物、沙律、日本风味、饭类、面类，到饮品、甜品过百款选择，款式繁多，而定价属中等价位。我哋依班「美孚街坊」唔算好拣饮择食，口味亦唔多「奄尖」，所以全交由小弟发板，为咗一试师傅晌各领域嘅手势，尽量各种类都点啲。顺带一提，服务方面个人觉得好一般，由等位、点菜到上菜，唔可以话差，个人觉得只喺缺少份做日本饮食对待客人嘅热诚啫。好似等位期间，啲店员都无理过我哋，只喺挂住招呼阿乜生乜太熟客，就算我哋问都只喺话叫我哋等多阵，好彩老友唔介意咋。或许店家生意好，熟客都够晒做，我哋依啲生客，可有可无吧！
前菜 $10
只喺一小兜吞拿鱼，唔喺刺身𠮶啲呀，感觉喺罐头货嚟，无咩特色可言。因为个前菜喺规矩嚟，依十蚊想悭番都唔得。
除有个特选4人套餐（$950）外，餐牌第一版就喺「刺身、寿司、手卷、卷物」类，不过，我哋就无点净刺身或寿司咁，反而点咗底下嘅刺身饭，仲要起双添。杂锦刺身饭 $135
问会有咩刺身，只喺答由师傅决定，有三数款。卖相讨好，色彩缤纷，只喺觉得加埋日式鱼蛋、玉子等等有啲抽水之嫌，不过饭粒黏糯，几款刺身如牡丹虾、油甘鱼都鲜甜味美，令整个刺身饭仍具质素。如对你嚟讲，钱唔喺问题，可以拣食特选刺身饭，卖$350，刺身当然会较时令及贵价货。
三文鱼海胆饭 $138
对比起个杂锦刺身饭，小弟就觉得依个三文鱼海胆饭抵食啲，7大片厚切三文鱼，一叶扇形排开，油润甜美，入口细滑，虽然海胆得𠮶一小撮，但味道甘腴不俗。仲有，刺身饭会附送面豉汤嘅。
串烧亦有唔少款式，数一数都有15款之多，不过就唔算好特别或有啲咩刁钻位卖。简单啲，点咗一客牛舌同一客鸡肾。牛舌串 $38
一客牛舌串有两串，每串都有4件，烧得几香，质感有咬口，牛舌嘅原味突出。
鸡肾串 $33一客鸡肾串同样有两串，不过，卖相奇差，理应可以斜切一片一片，依家个样就切到个鸡肾岩岩巉巉，此外，味道都唔喺好得，既干且韧。
银雪鱼照烧 $145有11款烧烤鱼类，都预咗老婆要求点依个，银雪鱼喺佢至爱。比起啲串烧，个银雪鱼真喺无得弹，一大件厚切嘅银雪鱼，不单烧得香，又油润，又嫩滑，入口油香软绵，真喺要俾个赞。另加$22可变为定食，多个面豉汤同一碗白饭添。
除咗烧烤鱼类，一品料理、炸类、锅物依三大类，一样可以加$22转为定食。跟住要分享喺炸类，日本人称之为扬物。日本南瓜天妇罗 $80
一客7件嘅南瓜天妇罗，感觉有啲唔平，不过南瓜取自日本货，味道非常粉香清甜，脆浆又做得薄薄，沾点萝卜蓉解解热，食完你就唔觉佢贵。
炸软壳蟹 $68
软壳蟹炸得酥脆，除可唧啲鲜柠汁提味，亦附上芝麻沙律酱，蘸点一吓味道又有啲唔同㖞。
面豉汤生蚝锅 $148睇到锅物类，我哋几个都情有独钟就拣依个面豉汤生蚝锅，不负众望，个锅无论卖相，抑或味道都认真唔错。望向锅中，已睇见肥大肉厚嘅生蚝，食落的确好肉地，都算几够蚝味。面豉汤面之上再加一大撮日本面豉酱，慌死怕你投诉佢唔够香浓呀，哈哈！而锅中仲有几款野菜，如金菇、冬菇、娃娃菜、小棠菜……等等，颇为抵食。
烧饭团 $68由于之前晌刺身类拣咗两个饭，所以嚟到饭类就唔会再拣啲大份量嘅饭，所以点咗烧饭团，贪其甘香脆口。烧饭团一客有两个，我哋点咗两客共4个，有木鱼丝、梅、三文鱼共3款味道，就要咗后两者。饭团做得挺实唔松散，但入口可以食到外脆内软，而且又有朕焦香味，个人觉得非常好食；不过，无论梅定三文鱼，因为藏晌饭团内，份量唔多，所以感觉唔喺太食出佢哋嘅味道，尤其个梅，跟期望有啲落差。如果唔想食烧嘅，饭团会卖平啲，只喺$40一客，同样指定3款味道。
锅仔乌冬 $65虽然今晚女士多过男士，食到临尾都惊大家唔够饱，所以追加一份属于面类嘅锅仔乌冬，所有面类都可以拣一款配料，选择如下：天妇罗、吉列猪扒、牛肉、鲜菇杂菜、叉烧或辣肉泡菜。我哋拣咗海虾天妇罗，其实有啲拣错，因为件天妇罗喺浸向汤中，上枱时外层脆浆自然腍晒，而锅仔仲有鸣门卷、温泉蛋，可惜只蛋已唔「温泉」嘞。至于乌冬质素中规中矩，汤底要咗酱油味，都OK嘅。
啫喱甜品一栏都喺啲雪葩或雪糕，而且取价唔便宜啊，同枱老友又唔喺嗜甜之人，所以最后都无叫甜品。不过，餐厅会送上久违嘅啫喱作甜品，一人一粒，怀旧大于味道。
总结，友乐亭晌食物质素上颇上乘，价位虽然唔叫得平，但以其质素实属合理、物有所值，只喺招呼一环较回落。当然一次帮衬，未足以立下结论，还望下次再嚟会待客好啲。
张贴
