Forever 友緣西餐 (已結業)

朋友系外国返香港，约左星期五晚收工食饭，佢住元朗话屋企附近好似有间唔错既西餐厅！咁我就入元朗跟佢试下啦！朋友book左7:30 ， 餐厅留左张窗边既卡位比我地！餐厅有set dinner ，有2人套餐，可以散叫menu 既野食！ 我地为左可以食龙虾汁伴花虾意大利饭拣左2人套餐！我地拣左一个头盘，一个沙律，一份安格斯肉眼扒，一份龙虾汁伴花虾意大利饭！另外追加左餐厅2周年既$1美食大放送，我地要左2份香蒜包糠焗扇贝！好底呢！🤣🤣安格斯肉眼扒我哋要medium，肉眼扒煮得啱啱好，扒既肉质都好鲜嫩好有肉味！龙虾汁伴花虾意大利饭有一只大虎虾三只大花虾，意大利饭好香龙虾汁味，仲有杂菌一齐煮👍🏻👍🏻饭煮得唔会太硬或太烂！香蒜包糠焗扇贝虽然只系 $1，但都一啲都唔求其，原只焗出嚟嘅扇贝都好香甜！整体来讲，餐厅环境同食物都唔错喔！系一个倾计嘅好地方!