CHEF STAGE de Eddy Chu (已結業)

最近都比较忙，同朋友见面时间都少左，相约在尖沙咀，揾个清静环境，我提意去厨社。同上一次比较，餐牌多左几道新菜式，当中一款更是主厨过往参赛的得奖菜式。日本带子配蜜糖面豉汁呢碟系获奖作品，当然要试。你可能会话带子新鲜就已经好好食，仲有咩咁别﹖其实重点系旁边嘅蜜糖面豉汁，酱汁系大厨特别炮制，放弃传统嘅芥末，改为蜜糖面鼓汁，完全冇谂过蜜糖同面豉汁咁夹，令本身肥美鲜甜嘅带子更美味。海鲜黑毛猪肉骨茶呢个肉骨茶唔系平时饮到好重药材味个种，反而充满左海鲜嘅鲜味，有鲍鱼，黑毛猪，石斑鱼同埋已经去壳嘅虾，材料丰富，又细心，鲜甜不油腻，完全改变左对肉骨茶嘅感觉。甜热带杂果红酒红酒果味较重，好易入口，配上水果串造型有别于传统的Sangria，女士们一定钟意。焦糖芝士饼浓郁嘅焦糖味混合香软幼滑嘅芝士，密度几高，芝士在口中溶化的感觉，的确令人回味。由饮品，到前菜，汤，全部都一改传统，可见大厨嘅创意，令人印象难忘，更加期待佢之后嘅新菜色。