林昌記 (已結業)

相信无一个香港人对鱼蛋呢种咁有代表性嘅街头小食会觉得陌生，由小贩年代到今时今日，鱼蛋串串都可谓陪住我哋成长。成行成市，就会带来良莠不齐，街边卖嘅鱼蛋，有别于传统潮式鱼蛋，绝大部分卖嘅都系黄色，表面炸过𠮶款，用咖喱汁或味精汤淖熟，［鱼蛋亦都冇鱼味，但系你为左掩饰，专登加D咖喱汁将佢做成咖哩鱼蛋，但系咁做太天真，因为你煮o既时间唔够，咖喱味根本只系o系表面，而冇入到里面］「食神」嘅批评真系一针见血(笑)。原味鱼蛋$10/7粒今次食嘅鱼蛋，全粒白雪雪，不经油炸，鱼味浓咸味轻，咬落好弹牙。店方提供自家制辣椒油，够辣而不呛喉。AFTER TASTE强劲，唔怪得舖头有得一樽樽咁卖。咖哩鱼蛋$10/7粒鱼蛋喺咖哩汁煮熟，够晒时间比咖哩汁渗入核心嘅外围同内围，汁虽然够辣但唔够香，亦无层次，好大机会只系用咖哩粉开，但配合咁爽口弹牙嘅鱼蛋，都算系水准以上。其实大家都识分，点先算系靓鱼蛋，但好少有整得咁弹牙同有真•鱼味，无怪乎之前喺年宵市场卖出10万粒嘅惊人成绩！希望老板可以保持水准，令千千万万个食神刮目相看。