砂煲兄弟 (東港城) (已結業)

好耐无黎东港城，成个商场好多店铺都转晒，又可以试下d未食过既餐厅。马来沙嗲火焰牛仔骨：一上枱真系哗哗声，好有火，好呃like！食落好juicy，一d都唔鞋，但就唔系好觉食到沙嗲味，同埋份量少左d。秘制脆皮慢煮猪手：份量好大，有d沙律菜伴碟，好靓！皮好脆，肉比平时食既猪手爽口d，又无咁肥，肉味够唔会过咸，皮同肉一齐食，好正，食唔停口。抹茶樱花虾鳗鱼煲仔饭：睇得到个煲仔饭有少少抹茶既绿色，但食落又唔太觉有抹茶既味道，煲仔饭有饭焦，钟意食饭焦既人唔好错过，脆卜卜既饭焦真系好好味。将鳗鱼、樱花虾同饭捞埋一齐食劲正，樱花虾虽然细细咁，但都食得出佢既甜味，鳗鱼就同平时食开既差唔多啦。最后食埋个甜品。天使西多士：见枱枱都叫，我地又试下，虽然西多士邪恶到不得了。但真系无叫错，炸西多入面搽左花生酱，外面仲有椰丝、炼奶、忌廉同白朱古力，个面包本身又够松软，比起传统西多士，我更爱食呢个，又一必食推介。