味口福 (已結業)

今次系外卖速递，唔系餐厅入面食，我睇返其他人的食评，觉得有必要下次要直接到餐厅食，可能有加分的可能性系餐厅入面先品尝到。一个餐，有个自选包，有沙律/薯条，仲有饮品，都系40几蚊，一个字:平！沙律系杂果沙律，沙律酱有点过多，唔系好食到原本各种杂果的味道，变晒沙律酱味。热朱古力，回来后有放回微波炉加热，都几好，朱古力味足够(朱古力粉冲的比例ok)不过有d太甜，当日无提供糖可能系因为店铺落左，甜度呢d好个人口味，对我来说是太甜了。牛肉汉堡，都系一样整热返，好食的，欣赏个酱，好香！以cp值来说真系几好的！小食拼盆，有炸鱼，薯角，炸洋葱圈，芝士薯波，炸鸡全翼。有茄汁和沙律酱跟，我谂系因为有个炸鱼所以跟沙律酱，呢方面睇到呢间野几细心。个芝士薯波好食！佢的炸野粉薄，除左鸡翼有少少炸过左龙(鸡翼尖同鸡锤位炸干晒)，其他都炸得刚好，其他唔评论，唔系因为太差，系因为我外卖炸物，如果就呢次表现评论实在唔公平，有机会即场食再评。总结: 睇完别人的评分，觉得外卖实在太大差别，今次先比个中立d的分，下次再到店食，到时再评分吧。