影片
更多
2018-02-10
3157 浏览
听闻这店是入选米芝莲2017的20大, 能入选20大的想必有其特别的地方, 今年庆生就来试一次, 没有抱太大的期望不过总希望有一段不错的用餐经验呢! 就这样来了西营盘, 其实并不难找出佢的位置, 进场坐低后经理有过来介绍当天的鲜活海鲜货, 一个是蒸黄花鱼! 呢个太座一定唔buy 啦, 屋企自己都成日做, 另一个是英国左口, 咁呢个有机会系雪货又唔会拣啦! 再来一个是焗龙虾要成九百几, 望入鱼缸只只龙虾都好细只下, 唔冒呢d险啦 pass! 既然第一次来就试下Chef’s Selection Menu啦, $850/pp 总共有11道菜咁讲, 其实在开饭网有睇过食评, 食物大致系乜心里有数, 1. 0 Lobster Popcorn 系唯一的炸物, Popcon系指外层嘅米通部份, Lobster 虾肉非常之有虾的鲜味, 不过呢样野完全系只虾本身的味道亦即是有机会只只唔一样, 金黄色的炸衣保持到脆口感, 不过作为炸物来讲呢个炸物较多油可能同炒过的咸蛋黄有关, 见到那些油底亦有可能系咸蛋黄出的油! 但原来整晚最高温的食物就系呢样了!1.1 Local Tomatoes / Ricotta
既然第一次来就试下Chef’s Selection Menu啦, $850/pp 总共有11道菜咁讲, 其实在开饭网有睇过食评, 食物大致系乜心里有数,
1. 0 Lobster Popcorn 系唯一的炸物, Popcon系指外层嘅米通部份, Lobster 虾肉非常之有虾的鲜味, 不过呢样野完全系只虾本身的味道亦即是有机会只只唔一样, 金黄色的炸衣保持到脆口感, 不过作为炸物来讲呢个炸物较多油可能同炒过的咸蛋黄有关, 见到那些油底亦有可能系咸蛋黄出的油! 但原来整晚最高温的食物就系呢样了!
1.1 Local Tomatoes / Ricotta Ice-cream 本地有机蕃茄清汤配义大利乳清芝士雪糕, 蕃茄数得出几多粒啦! 蕃茄清汤系一滩好清澈的液体有点味道但其实你唔会明显分辨到是哪一种味道,而配上雪糕少许溶化下来的忌廉就是微甜啰, 义大利乳清芝士雪糕会比较爽身但又滑滑地咁, 所以你好难定这是汤? 冻汤? ! 但季节上似乎搞错咗啰!
1.2 Oyster / Caviar 澳洲蚝虽然蚝味唔重, 但质感creamy, 鱼籽则只是轻微的海水鲜味一秒的感觉而已
1.3 Cobia Terrine / Buttermilk 呢个表演手法算系几特别嘅, 起码工序系算多, 而上菜前在生鱼片上搽薄酱油亦是好稳阵的调味法, 问师傅这是什么鱼他答这是懵仔鱼! 啊这就是懵仔鱼做的生鱼片! 鱼肉口感有点似油甘鱼但没那么重油份, 鱼肉内有微微甘甜所以衬酱油是正路而且这样对香港人一点也不陌生, 反而好多时在有些洋人师傅的店吃到鱼肉的生鱼片往往衬柠檬汁或者热情果汁做嘅dressing 感觉好多时有点生硬? 旁边的buttermilk用人手小心奕奕地用匙流一圈有心机但我同太座都唔明白呢个咁费神的动作为何? 因为咁稀的酱汁一般预先做好入唧樽, 用的时候就在作品的边往一圈唧已经完事了, 但偏偏佢要人手操作, 费解?? 整片圆形的鱼片厚度是只有3m/m左右精致得可以, 不得不佩服刨机的精确度, 还有的是两个人叫两个餐就只来一片生鱼片???咁我很好奇如果一个客人来叫一个餐又是否将这么一个圆形的生鱼片从中间一开二俾半片生鱼片给客人?????? 但我在其他食评的照片中又不曾看到半片生鱼片㖞! 如果三个套餐又出多少片生鱼片才是正常呢,
1.4 Razor Clam / Sugar Snap Peas / Soybean Butter 呢个蛏子应该似蒸至紧紧熟, 再搽上牛油味酱油而甜荳则是生食只是混合了些调味沙拉白汁, 蛏子新鲜同时质地掌握到位, 只是配冻的生甜荳丝就真的是有点格格不入, 首先个蛏子系暖的, 配冻菜丝感觉很不协调, 一下子将口内温度由暖再下降至冻? 先前一直下来已经是凉菜为主, 而蛏子的暖口感衬酱油, 再配一些炒香过的甜荳丝不是来得自然顺畅很多吗? ! 而炒过的甜荳会更甜口之余亦炒走草青味,
1.5 Raw Crab / Sea Urchin & Rice 呢个系呢度嘅招牌菜式, 食生蟹肉唔多唔少都唔太放心不过见佢份量咁少, 应该问题不大啩!管它呢食咗至算! 幸好我们是没有事的大多数, 据说蟹肉是用绍兴酒腌过但我们一点酒的香气都察觉唔到可能真的是两滴而已, 生蟹肉感觉是有点张口但就感觉唔到什么蟹鲜味同熟的蟹肉是两码子事, 出奇地没啥特别味道, 海胆份量少没有太多甘甜味只能用作调色, 反而米饭比较有赵头, 看似是日本米! 但黏度没那么高! 这个蟹肉don没想像中的出色而且如果二人份都这么每人只有两至顶多三口的话, 一人份咪只有一至一点五口?
1.6 Threadfin / Anchovies / Sardine 卒之有多一个较为有温度的食物端上来, 烤沙丁鱼柳两件, 上面放了些义大利银鱼同包屑的混合物, 鱼柳没烤过头, 鱼肉质地很正路. 只是面的银鱼茸有点咸, 同时上这鱼用的碟颜色太深突出不到两件鱼柳, 背后的深啡色同前面鱼柳的浅黄色没有对比, 只靠那一点点绿色无法令鱼件跳脱出框框,
1.7 Wagyu Bavette steak / Salted Fish Aiolio 和牛腹肉厚切两件, 下面放了些金菇菜, 旁边只唧了一圆形银鱼做的蛋黄酱, 牛腹肉脂肪少但完全不嚡重好淋滑, 不过个银鱼酱就太咸了可能用多了银鱼的份量! 而当日在我们吧位枱旁边另外座咗两个年青人, 其中一个就顶唔顺呢个咁浓同咁咸嘅Aiolio了, 叫厨师俾过另一个普通d嘅汁俾佢伴食,
1.8 Flower Sorbet 颜色呈攻红与粉红之间的雪葩是用本地紫背天葵花做成, 雪葩又非全是冰粒内里混合了好些乳酪忌廉类, 所以口感在雪糕与雪葩之间吧! 而食用嘅花主要是带给雪葩一个酸度亦可有装饰效果, 一石二鸟!
1.9 Bananna /Coconuts lime snow / White Chocolate coconuts Ganache 这又是另一个类似香蕉片捞上椰子茸跟白可可浆, 上面再洒上coconuts lime snow, 但话明系雪片所以好细, 食落好难感觉任何椰子, 青柠的气味, 总之继续冻冰冰咁啰!
2.0 Local Organic Strawberries 话明系有机即系细粒又丑样都好正常啦! 士多啤梨香气不足, 果肉内系白色一片那种(好似日本佐贺县那种), 唔够甜就意料中事了, 所以那打至7分起的忌廉在这环节上很重要! 讲真唔好话同日本士多啤梨比, 即使用马莎嘅埃及士多啤梨都好食过呢只好多! 只不过呢度主持人坚持用本土野咁啫, 不过如果系咁, 既然来货是改变不了但又点解唔谂下计将这其貌不扬的东西改头换面一下, 不要这样赤裸裸地放在客人面前呢? IDEA总会有的吧! 而这道生菓甜品的碟又怎样呢？用深灰色大碟上ok! 问题不大但怎么装忌廉的盛器会是只白瓷公鸡碗?? 我只感觉是随手拈来的一只碗就用上了! 怎么自家店的招牌套餐是可以这样随便一只碗－个碟没有反覆思考，试放上去看起来效果美感如何？还说是哪里摘星餐馆修业出来的？摘星餐厅的碗碟要是这样配搭的话只能说句”无能为力”!
没有啡没有茶 OK! 叫咗支矿泉水$60
同时要了两杯酒一杯Rose$75 另一杯灰皮白酒$85
总括来讲这店似酒馆多过正统餐厅, 无论是气氛以至菜式, 招牌套餐的菜式有点偏向一边, 菜的进食温度大多只有一个 - 低至中温! 尤其是在冬天提供餐牌时是否应该多一点对进食温度上调?无论如何讲格调讲型但始终人系温血生物要保持体温都好正常啫, 当天所见就有客人食到一半要转位同时要求俾热水饮! 呢d咪考虑未够周长啰! 虽说菜式道数似很多但其实几道冻食的菜(甜品?) 都好近似为何唔将它们混合成一道菜?食具方面颜色配搭未能突出主角有待改善,服务态度系有问有答亦对食物如何处理过有一定认知, 呢部份系合乎标准的, 以呢个价位在中环好多餐厅都可以提供到既美味又饱肚嘅餐饮了但这里只是半饱不饿而已,
俾OK 佢只系服务上, 菜式同份量都在OK以下无法认同! 试一次足够了,
张贴
