影片
更多
2009-09-19
53 浏览
放饭时间, 师傅一支公都唔知食咩好, 于是四围咁行, 行行下见到呢间米线食店, 好似几吸引下㖞, 加上师傅都好耐冇食过米线, 就决定入黎食番碗, 睇下呢间食店食得过冇?入到去食店, 一d都唔算少人, 幸好一条友永远都著数少少, 所以唔使等直入! 坐底后第一时间睇下有咩好食, 原来呢度有两款主打米线, 一款系小锅米线, 另一款系帽子捞米线, 除左米线外, 呢度仲有饭食添, 不过既然主打米线, 师傅当然系整番碗小锅米线, 稳阵d嘛!于是师傅立即攞张纸仔, 睇下有咩好食, 但发觉𩠌款选择未算太多, 加上冇咩心水想食, 最后只好拣龙虾丸, 猪腩肉同埋狮子狗, 配上中辣! 小锅米线嘅配𩠌有酸菜, 芽菜, 卤蛋, 肉碎, 而葱, 芫茜同炸蒜师傅通通都冇要, 再另外要一杯冻柠茶!等左唔系好耐就有得食, 好明显系d米线一早煮定, 再执番d配𩠌落去, 放上热汤后就可以食啦, 呢种做法都可以理解! 于是师傅第一时间试下个汤, 味道唔算特别吸引, 饮完都冇𠮶种醒胃嘅作用, 净伪觉得辣, 皆因中辣都几辣, 师傅食得辣都觉得有少少辛苦, 不过汤底真系普通左少少; 再试下米线, 米线本身煮得好腍, 冇左烟烟韧韧
入到去食店, 一d都唔算少人, 幸好一条友永远都著数少少, 所以唔使等直入! 坐底后第一时间睇下有咩好食, 原来呢度有两款主打米线, 一款系小锅米线, 另一款系帽子捞米线, 除左米线外, 呢度仲有饭食添, 不过既然主打米线, 师傅当然系整番碗小锅米线, 稳阵d嘛!
于是师傅立即攞张纸仔, 睇下有咩好食, 但发觉𩠌款选择未算太多, 加上冇咩心水想食, 最后只好拣龙虾丸, 猪腩肉同埋狮子狗, 配上中辣! 小锅米线嘅配𩠌有酸菜, 芽菜, 卤蛋, 肉碎, 而葱, 芫茜同炸蒜师傅通通都冇要, 再另外要一杯冻柠茶!
等左唔系好耐就有得食, 好明显系d米线一早煮定, 再执番d配𩠌落去, 放上热汤后就可以食啦, 呢种做法都可以理解! 于是师傅第一时间试下个汤, 味道唔算特别吸引, 饮完都冇𠮶种醒胃嘅作用, 净伪觉得辣, 皆因中辣都几辣, 师傅食得辣都觉得有少少辛苦, 不过汤底真系普通左少少; 再试下米线, 米线本身煮得好腍, 冇左烟烟韧韧𠮶种感觉, 令米线应有嘅特色都冇埋, 唔得啰; 而龙虾丸有两粒, 入口爽口弹牙, 加上都几香, 唔错, 可惜得两粒, 好似少左d; 猪腩肉有几片, 一样系几爽口, 虽然系半肥瘦, 但入口一d肥腻嘅感觉都冇, 做到爽而不腻, 唔错!
狮子狗就得三件, 其实师傅平时唔会拣呢样食物, 皆因冇咩特别, 但师傅点都估唔到呢间食店可以煮得咁烂, 点解? 作为狮子狗本应该爽口弹牙, 有如港式鱼蛋一样, 但呢间食店嘅狮子狗竟然又腍又冇味, 仲差过打边炉滚左好耐𠮶d, 一个字形容<劣>; 而配菜嘅酸菜反而不错, 酸菜咸咸酸酸, 食到咁上下又食少少酸菜, 有醒胃同解辣嘅作用, 师傅觉得几好; 芽菜就爽口, 如果连埋米线一齐食, 咁米线都会加番少少分; 而于卤蛋同肉碎都冇咩特, 卤蛋半只都几实, 而肉碎真系好碎, 好唔容易先食到少少, 一般啦! 冻柠茶都算大杯, 但茶味唔够而且几甜, 所以都系麻麻地!
总括黎讲食物质素一般, 并无惊喜, 地方都算清洁干净, 服务态度就几友善, 价钱同呢区嘅茶餐厅分别唔大, 小锅米线一碗廿一, 每加一个𩠌就四块钱, 加多杯冻饮就五鸡, 埋单三十八元, 唔算抵食! 师傅喺度谂莫非间食店要衬番个名, 取其谐音"落腍", 所以d米线一放落去煮就要腍? 相信要喺呢区揾番间好食嘅米线店都几难, 除非突然好想食米线而又愿意接受呢种水准啦, 否则再黎机会不大, 笑脸绝对比唔到!
张贴
