塚田食堂

营业中

休息中

礼拜日，下午3点喺开饭app订位只得番6点场，立即打电话订，最弹性系唔一定订搭半或整点，随口订6:45都侵我玩。1分钟后已收到短讯指示㩒入连结确认。抵埗见门口人山人海，攞手机show订座截图，职员面面相觑，原来忘记留位⋯⋯好在等咗5分钟腾到张吉枱出嚟，仲要系尾位六人卡位（我等四人），总算好物沉归底。限食75分钟。4人同行有优惠，3人每人一丼，剩番只要点以下餐牌其中丼，该丼半价，不过就冇配菜得面豉汤。可惜当时已冇性价比高嘅明太子丼喇。正价丼饭都跟配冷豆腐、牛蒡丝（几好嚼口又够牛蒡味，想食多几碟）、腌瓜、攰豉汤，成套颜值望落都不俗，堪称大碗饭，够哂充饥。肉系之生姜猪肉、小食照烧鸡件调味控制得宜。「蛋包饭带炸池鱼定食」炸鱼连尾有手掌心咁大块，细骨好少，蛋包饭蛋只系紧紧够包饭冇剩边角，冇半凝固蛋汁，未够香浓，有大量日式照烧汁遮掩呢个缺点。「六色刺身定食」即大虎虾、三文鱼、吞拿鱼、油甘鱼、带子、三文鱼籽六味，除咗吞拿鱼肉质有啲松散外，总体尚鲜。尴尬系两片切片柠檬，又似装饰但又厚身但又因形状所限难以唧出柠檬汁⋯⋯临味手机下单嘅「茶味雪糕盛合」抹茶乌龙茶两球，嚟到已半溶，茶味唔算浓，食得颇急。临走见