新奇香冰室

营业中

休息中

星期六，最幸福就系可以瞓到自然醒，10点钟同阿妈落楼下食早餐。餐厅系位于胜利道嘅一间冰室，开业多年，系最近改左名叫「新」奇香冰室。餐厅系旧式冰室，面积细细有啲狭迫，大约可以坐到3-40人。虽然已经10点但都仲要等位，差不多十分钟先有得坐，好彩都坐到卡位，舒服啲。早餐有两个餐择，我地叫左早餐A - 牛油多士、三丝通粉同饮品。牛油多士可以唔驶加钱转奶油或奶酱多。正。三丝通粉系火腿丝、蛋丝同鸡丝，啲料都几足。汤底味道适中，唔会过咸。奶茶系传统冰室奶茶～早餐系至到12点，我地食到10点半出面仲有人等位。附近有唔少茶餐厅，不过都唔够冰室受欢迎，呢度味道唔算出众，相信嚟呢度食都系喜欢𠮶种旧日情怀。