潮苑餐廳 (已結業)

7月11日, 天气酷热, 但仍然坚持拉咗呀比陪我去咗石塘咀试下呢间潮苑嘅下午茶! 相信呢度d下午茶真系好受欢迎, tea time嚟到全店坐满咁滞, 仲有好多人嚟买外卖添~::: 金牌焗猪扒饭 + 冻奶茶 ::: $28都好大碟下~ d汁同少量芝士一齐焗到干干地, 猪扒大大块切件, 蛋炒饭底亦做到粒粒干身, 全部野都彷佛做得唔错! 不过食落就略嫌个汁唔太够味… 茄味淡口咗. 猪扒肉味ok啦~ 都做到软身嘅… 但有少少腌得过淋. d饭捞咗汁d后有少少淋patpat… 整体虽算合格有余, 但叫「金牌」又未免太过誉…冻奶茶水准亦属一般~ 奶同茶都唔算浓…::: 咸鱼鸡粒炒饭 + 冻奶茶::: $28炒出嚟都勉强过得去, 少少一旧旧, 咸鱼唔够匀, 所以一啖咸, 一啖淡… 鸡粒都唔算多, 整体味道只属过得去…::: 脆香奶油猪仔包 ::: $10堪称潮苑名物, 亦系我地身水身汗行到过嚟揾食嘅主要原因! 个包好大~ 大过我个手掌!! 面包边都烘得几脆, 但个包太大太厚身, 所以其实食到中间个包就有d唔够脆同埋淋淋地… 不过 $10 咁大个奶油猪就真系食得过~呢度d台台櫈櫈摆得好密, 搞到d位有d