8鍋臭臭鍋 (金巴利道) (已結業)

呢一间8锅臭臭锅好受欢迎，每一次经过呢一间餐厅，都见到好多人等位，平时都好怕等位，所以咁耐都未食过，咁岩今日经过见到无人等位，就即刻入去试吓。好彩今日早食晚饭，先至有位，终于可以试吓呢一间台式火锅。蒜香牛肉锅蒜香味好香，而且个火锅可以系一人一锅，又有火烧住，可以一路食一路保持锅嘅温度，冬天食真系啱晒！而且呢个㖞非常足料，肥牛又滑又薄，又有牛肉味，娃娃菜爽口鲜甜，而且有啲菜食下健康啲，比较有咬口烟靱，亦都有蚬，好鲜甜，好好味，鱿鱼圈好弹牙，鱼蛋亦都好弹牙有鱼味，仲有炸枝竹、粉𢇁，索哂汤底，好惹味。盆栽奶茶盆栽奶茶即系朱古力味奶茶，再加一层口口嘅Oreo碎，朱古力好香浓，又滑，非常非常好饮！唔怪得呢一间台式火锅店咁多人排队，因为火锅料好有特色，而且火锅汤底又好味，连饮品都好好味，就算要排队都值得一试。