海灣食坊 (已結業)

国庆假日想到西贡叹个悠闲早茶,点知食到咩放假mood 都冇晒添......本想坐出面睇海景, 未坐低就有个职员「行过」咁讲: 「几位呀? 出面d 台最低消费450呀!」(其实又唔系带位又唔系招呼, 纯粹好似叫你唔好坐咁) 2个人点饮450蚊早茶......所以死死气坐入面啦~食物同一般酒楼差唔多, 2个人叫左8碟, 食晒等左好耐都冇鱼云, 问之下职员先话:「今日冇鱼云呀。」咁落单𠮶时又唔讲......基本上全程冇招呼, 亦唔敢劳烦佢地招呼, 因为全程听到职员同d 食客嘈, 又话唔俾转位、又话d客拣位麻烦......食物黎到成栋放低就走左, 零招呼~外面环境系靓, 食物正常, 冇招呼都唔系问题, 但职员成日同食客嘈, 态度唔忧做, 讲来讲去都系:「假日多人, 叫你咁就咁, 唔好咁多要求, 一系唔好食。」好似俾左钱去睇人面色咁, 2个人埋单$270, 入去到埋单45分钟, 唔想逗留~呢间冇下次。