星怡 (裝修中)

去黄大仙朋友屋企，去左佢楼下嘅星怡食午餐，午饭时间，餐厅都坐满晒街坊同附近返工嘅人。佢主要卖星加坡菜，亦都普通茶餐厅嘅食物，午餐有很多唔同套餐㨂，价格又实惠，唔怪得之咁多人来食饭。我哋叫咗两个午餐及一些小食，午餐有送饮品。新加坡胡椒肉骨茶配饭肉骨茶除咗有排骨，仲有豆卜、冬菇及蒜头等，材料丰富，而且胡椒味很重，钟意食胡椒肉骨茶嘅人一定要试，排骨又入味，还有配上油炸鬼，真系又抵食又好食。新加坡咖喱牛腩饭牛腩同薯仔都炆得很腍，再配上惹味嘅咖喱，真系可以食到几碗饭。手工炸虾饼虾饼非常之香脆，脆卜卜嘅外皮配上弹牙嘅虾胶，虾胶混合咗其他香料，味道啱啱好，配上泰式酸甜酱，酸酸甜甜很好食。油菜正常发挥，灼得啱啱好。班兰水晶球水晶球充满班兰味，甜到啱啱好，系一个不错嘅甜品。