囍記車仔麵

营业中

休息中

平时路过都见唔少客人，可能位于庙街隔离，好受游客欢迎。试过夜晚十点几，见到仲食紧野嘅街坊都唔少。今次闲日中午时段去，都系人山人海，仲有旅客拖住䇲都排队食。要左清汤配油面，汤好普通，腩汁味道唔出。友人拣左辣汁，食落都几辣下。两人一共拣左几款𩠌：肥牛：普通质素，煮得过老。鸡翼猪颈肉：正常，萝卜：有渣，得一两件系甜嘅。咁多款𩠌入面得牛肚够入味，系出色啲。另外要多左份牛𦟌，可惜系筋位同肉嘅比例差左啲，咬落去冇牛𦟌应有嘅口感。整体呢间车仔面都比我想像中普通，胜在系环境好啲咁解。