金鳳茶餐廳

营业中

休息中

每次喺湾仔，都好想食金凤，好可惜每一次都见到好长人龙，所以有时都去唔到食。今日咁岩我同朋友两个人，去到唔太长龙，所以就成功食到！呢一种旧式茶餐厅喺香港已经买少见少，我叫左常餐嘅沙嗲牛肉公仔面加火腿奄列，再要多一杯热奶茶，沙嗲牛肉非常浓味，加埋公仔面呢一个配搭就系我嘅最爱！仲有火腿奄列非常厚身，加埋个餐包，一个常餐份量已经非常之够！佢嘅热奶茶奶同茶嘅比例适中，茶味唔会太涩，同时奶亦够滑！至于茶餐厅伙记嘅态度，我又觉得冇乜嘢！有时佢哋仲系好细心见到你差唔多食晒啲嘢，先放杯嘢饮过嚟，免得你成枱都系食物放唔晒啲嘢而食得太狼狈！