麻神麻辣火鍋 (已結業)

黎到铜锣湾呢头，我地几个人行到攰，又谂唔到食咩，最后就黎左打边炉!呢间名叫麻神的火锅店，之前未黎过，不过朋友话食过唔错，咁就带埋我地黎食!我地几个人食量都麻麻，所以都唔敢叫餐，最后散叫，呢度食物都几多款，仲有d平时好少见到gei!话麻辣汤底好正，不过又惊太辣所以叫左个鸳鸯锅，估唔到咁样食落又几好，可以试两边唔同gei味，原来汤底唔同，食落个分别都几大。我地叫左韭菜饺、炸鱼皮、菜、鱼皮饺、响铃、油条、牛同叫左碟卤水鹅肾，份量适中，我地食完岩岩好，都OK唔会太饱。个卤水鹅肾食落唔错，几入味，而且好有口感，沾上汁食，口感层次更丰富。牛方面，肉质鲜嫩，食落有口感，同麻辣汤底一齐食更滋味，麻味浓又香!炸鱼皮系我打边炉的最爱，浸浸即食，又脆又可以带点麻辣味，系超过瘾~个油条都几特别，平时都系食响铃多，呢个浸一浸即食，非常索汁，好鬼正!