呦呦鹿鳴布丁燒 (希雲大廈)

营业中

休息中

喺铜锣湾揾食期间咁啱经开呢个位，喺舖出面望入去已经有d被吸引，再喺openrice睇睇评价，作为甜品控决定试一试佢。布丁烧同焦糖布丁唔同嘅地方，系佢仲多左一层日式芝士蛋糕，唔好睇小呢层蛋糕，佢令到成个布丁烧口感多元化左、亦中和左焦糖嘅甜度。犹豫左一阵究竟试咩味好，最终拣左招牌椰青味「椰爷布丁烧」。结果系无拣错嘅！布丁带有好香嘅椰香味，再加埋焦糖同埋芝士蛋糕，唔会太甜、入口又有芝士蛋糕嘅棉棉口感，变左三重味觉享受。比起单食焦糖布丁口感丰富，当然呢个分别亦都反映左喺价钱上。以$38/个嚟讲，性价比唔算高，系好食，但未到唔可以错过嘅level。值得一赞嘅系店员，除左提供番碟同匙，仲一再提醒倒出嚟之前轻轻摇，直至焦糖扩散至杯边。其实我完全无留意到佢嘅食法，如果佢唔提我真系会就咁就倒出嚟，所以呢度要加分。