刕舙馫麵館 (已結業)

今日去左红磡食lunch，经过刕舙馫面馆。见到餐厅名非常有趣，因为我无一个字识读啊。lunch黎讲价钱够抵食，主打刀削面，配上不同的𩠌菜，食落另有一番风味啦！本身想食牛肉，见到个个都叫口水鸡，我都试下先。口水鸡望落好辣好入味，系我钟意既颜色！口水鸡非常滑溜，无雪藏味，鸡肉香嫩新鲜，鸡肉沾上辣汁，香口辛香，花生吸哂辣汁。口水鸡最重要酱汁，依度调得好出色，唔会死咸死辣！刀削面我第一次食，面条宽阔，唔会太厚太粉团，挂上浓香汤汁非常清香，刀削面口感好有咬口，食完都好饱肚满足！