正宗雲貴川 (蘇杭街) (已結業)

平日最爱食谭仔三哥既三哥酸辣，可惜上环冇三哥，咁啱好想食米线㖞，点算好呢，见到有间叫正宗云贵川，应该都系食米线架啦，就入去试下啦。正宗云贵川唔只有汤米线，仲有捞米线，好似几特别咁㖞，就要一份口水鸡配凉拌米线啦。凉拌米线我叫左小小辣，所以唔系好辣，对我呢个唔系好食得辣既人黎讲完全可以接受，食得辣既朋友一定要试下，因为佢既辣好惹味，加埋大豆牙、红萝卜丝一齐食，口感一流。口水鸡好好味呀，见到鸡上面既辣椒粒都已经流哂口水，佢既口水汁有少少酸，加上麻辣，辣得好过瘾。