大家姐 (已結業)

新既一年新既开始，行行下街口痕痕，见到间大家姐，原本冇谂住食。但见好多人排队，羊群心态，我都走左埋去望下，唔望还可，一望就饿。就忍不住，心大心细就叫左1号餐(8粒烧卖+5条肠粉)，其实仲有其他combination有鱼蛋，牛肉，肠粉，烧卖混合配搭。不过个人喜爱烧卖+肠粉。奇怪地店员都主张用八达通比钱。"嘟"完就从店员手上接过一碗热到烫手既小食。再自行落酱。肠粉热辣辣~烫口的, 软软的但又唔算滑，口感结实冇"杰tat tat"。其实同其他地方食果d肠粉冇咩大分别。烧卖都系热辣辣，有阵烧卖味，口感就几弹牙，不过d烧卖系平价果种，唔系鱼肉烧卖。不过整体都几大兜~但就系冇咩特别。