聯和素食 (已結業)

同事题意黎食下斋，黎到联和素食，原来呢度好出名，要订枱架，如果唔系lunch time有排等。今日好好彩，老板帮我地叫啲食客掉位黎让张大枱比我地，等左一阵就有位。餐牌好多野拣，虽然话系素，但啲名都系“肉”黎架㖞，快快落单试下先。老板问开唔开茶开就计茶钱，咁钟意饮茶嘅我梗系开啦，普洱茶，水滚茶靓。另叫小炒餐就有餐汤送，虽然无人人叫餐，但老板都比足咁多人头。红青萝卜粟米汤，清甜好饮。黑醋琵琶豆腐 $58新鲜炸起好香口，一啲都唔油，豆腐淋得黎又口有咬口，点啲黑醋汁好开胃，食哂都唔觉腻。金牌生炒骨 $58甜甜酸酸好正，虽然系素，但食落好真，有排骨味，大大碟，正呀。烧汁素鳗鱼饭 $38个样望落唔似鳗鱼，但又真系有鳗鱼味㖞，好搞笑。超大碗饭，如果烧汁再多啲就好啦，捞汁好好味。川味素回锅肉 $58又系好真回锅肉味，仲有肉嘅口感，唔知用咩整肥膏个part呢？半透明个样超真！！西芹老左啲有，其他炒得好味。酵母刺身寿司 $38刺身个样真系呃得人呀！但可惜味同口感都唔似，都几好味嘅，黄色粉唔知系咩黎呢？食唔出有味？价钱都几大众化，老板又勤加水，但厨房得一个，出菜出得慢，赶时间就唔多识合黎嘞。