影片
更多
2023-06-05
42 浏览
其实我都经常系中上环呢头出现，通常都系为左食😋今次试呢间Le Galet 荼香，其实我之前已经经过几次，但我成日以为佢系叫茶香😂点解咁留意佢原因好简单，因为佢门面好靓！行过会忍唔住要影返几张相果啲啰。直至上星期先有机会真系行入餐厅食个饭，欣赏下佢啲装修摆设。餐厅老板Allen系一位古董家私收藏家，所以餐厅内有好多带古典味既木造家私、钢琴、打字机、雕像等。而且楼底好高，有上下2层，空间感十足。餐厅之前都系食啲比较Mediterranean/Italian既菜式，最近先转左新team 主打法国菜🇫🇷希望用法式烹饪技巧去做出高质好味既食物，同埋带出一个French bistro style 轻松舒适既感觉。《Dinner Tasting Menu $880/pp》开头有海鲜所以嗌左杯白酒饮🥖法式奶油面包配烟熏牛油、紫菜牛油、海盐牛油由于餐厅系采用open kitchen，我一行入去即闻到超香面包味！超香超松软 ！连牛油都有成3款俾你试。我钟意3款捞埋一齐食，咁就带有紫菜香、烟熏味同咸味啦。其实好想食多几个😂✨油泡北海道带子配法国鱼子酱、三文鱼籽、姜汁苹果啫喱、带子汁带子系食到一丝丝既感觉架，
点解咁留意佢原因好简单，因为佢门面好靓！行过会忍唔住要影返几张相果啲啰。
直至上星期先有机会真系行入餐厅食个饭，欣赏下佢啲装修摆设。
餐厅老板Allen系一位古董家私收藏家，所以餐厅内有好多带古典味既木造家私、钢琴、打字机、雕像等。而且楼底好高，有上下2层，空间感十足。
餐厅之前都系食啲比较Mediterranean/Italian既菜式，最近先转左新team 主打法国菜🇫🇷
希望用法式烹饪技巧去做出高质好味既食物，同埋带出一个French bistro style 轻松舒适既感觉。
《Dinner Tasting Menu $880/pp》
开头有海鲜所以嗌左杯白酒饮
🥖法式奶油面包配烟熏牛油、紫菜牛油、海盐牛油
由于餐厅系采用open kitchen，我一行入去即闻到超香面包味！超香超松软 ！连牛油都有成3款俾你试。我钟意3款捞埋一齐食，咁就带有紫菜香、烟熏味同咸味啦。其实好想食多几个😂
✨油泡北海道带子配法国鱼子酱、三文鱼籽、姜汁苹果啫喱、带子汁
带子系食到一丝丝既感觉架，好新鲜。鱼子酱有微微既海腥味，唔太咸，回味又带点甜。三文鱼籽味道就较浓 ，蛋香诱人
✨法式龙虾汤
第一啖饮落去觉得有少少淡，但每饮多一啖就觉得更加好味！龙虾汤够浓郁但又唔会过咸。
而家谂返起之前试过好多龙虾汤都系饮第一啖好浓味，但之后会愈饮愈咸，呢到完全无呢个问题。
✨白酒忌廉煮大蚬
呢到上枱果阵我同朋友一见到都好兴奋😍因为啲蚬真系好大只！每一粒都有成半只手掌咁大。粒粒无沙之余，啖啖肉又鲜甜。重点个白酒忌廉汁又香又滑，当汤饮都得呀😋如果配块面包索晒斗仲正。
✨慢煮法国春鸡胸及鸡肉慕丝菠菜卷、油封春鸡腿、芦笋蛋黄酱配红酒汁、烟熏鸡泡及荷兰酱
主菜有2款，我同朋友一人一款。鸡肉慕丝菠菜卷上面系啲烟熏鸡泡，虽然系鸡胸但肉质好嫩。芦笋好爽。油封左既春鸡腿味道更浓郁。由于前菜太出色既关系，相比起个主菜稍为逊色左少少。
✨烩和牛面颊配芹菜头蓉、牛颊肉酱千层酥、、黑松露波特酒汁、鹅肝脆片 +$188
个和牛面颊烩到超腍，切开系变左一丝丝咁，牛味好出。千层酥够松脆，配个芥末蛋黄酱好好味。鹅肝酱入口冰凉，口感好细腻好滑，有淡淡既油脂香味。
✨焗香蕉配咖啡芭菲 、焦糖咖啡汁 、淡忌廉及薄脆
呢个芭菲口感较实，焦糖咖啡好香，整体甜味适中。
张贴
