古早牛肉麵 (已結業)

一心去深水埗买电脑用品，行左半日咩到买唔到，不过就发掘到间好食又有风味嘅台式小店，总算不往此行😆。店舖装修到六七八十年代既模样，起初都喺因为哩个原因比佢吸引左入去。望望餐牌食物款式唔算好多，不过好多经典台式食品例如牛肉面、蚵仔煎、手抓饼都可以揾到🤤。哩个红烧牛肉面汤底味道浓郁，牛肉同配菜完全吸收哂汤底既精华，唔单止上色，仲好入味。牛肉利用牛𦟌肉烹煮，瘦多肥少，肉质够淋。面条爽口弹牙，有口感。起司蛋手抓卷饼新鲜做起，热到出哂烟。卷饼好软身好烟韧。鸡蛋煮到半生熟，透过卷饼本身热力将蛋浆整到八九成熟，剩余既蛋浆同溶溶既芝士混合埋一齐，令到整个卷饼好juicy，唔干身，超级好食。葱肉馅饼饼底好脆口，饼薄馅料多。葱同肉比例适中，经过煎煮后肉汁仍然锁喺饼内，食既时候要份外小心😆。哩到其实仲有好多台式饮品选择，平时行街行到攰可以入黎饮杯野食下小食。