老街 (已搬遷) 新店位置

圣诞同跨年买咗好多嘢俾A姐，所以银包都干晒塘喇，其实我家A姐虽然系一名港女，但好彩唔一定要去啲豪华餐厅，经济实惠嘅小店，佢都好满足架。加上近期好耐未食过台湾嘢，所以今日去到旺角嘅老街，店内座位唔多，而装修设计配以旧台湾嘅风格同相片，仲播著台湾老歌，真系好有古早味呀。不过，如果阁下追求坐得舒适，呢度就未必啱你喇！红烧牛肉面啡色嘅汤底，上枱已经闻到好香浓嘅牛肉味，牛肉大大件又腍又入味。汤底同牛肉就相当吸引，不过，就唔见其他常见嘅配菜，如红萝卜，萝白喇。麻辣牛筋牛腩面A姐话天气冻，所以要食辣嘢暖身。呢个麻辣牛筋牛腩面，麻辣味够晒香又唔会抢晒牛肉嘅味道！除咗牛腩，牛筋都好有咬口，相当唔错。卤肉饭（小）除咗牛肉面，台湾菜嘅代表又点少得肉燥饭呢，叫碗小嘅谂住试吓，原来都好大碗。A姐就嫌啲肉燥太多肥猪肉，之但系计我话，肉燥就系多肥猪肉先好味。好彩食落又唔觉好油腻，用嚟捞饭一流！小香肠拼盐酥鸡盐酥鸡系店员另一推介，一啖一粒，外层香口酥脆，盐味胡椒味啱啱好，炸皮唔算太厚，内里嘅鸡肉又够嫩滑。而小香肠外层煎得香脆，内里油香十足，唔错。