龍鳳號 (裝修中)

两个人夜妈妈系观塘揾饭食，因为时间有D晏既关系，本来想食既工厦CAFE都已经关左门，行黎行去，最后去左个唔知咩商场，揾到呢间台湾餐厅，因为自己本身对台湾菜有兴趣，加上肚饿难忍既关系，三秒就入左舖头点菜。古早味肉燥饭($36)一开头唔知咩系古早味，后来上网查番先知「古早味」大概系指台湾以前旧有传统做法的味道。传统既味道系点我就唔知，不过呢个肉燥饭的确好食，份量大份之余，肉同汁都好足够送饭，唔会好似有D舖头咁只系铺层肉燥系面做装饰咁，但肉既口感有点硬身。价钱黎讲，咁大碗饭的确好抵食。台式烤墨汁香肠($42)两个人另外叫左个小菜，呢个肠黎讲食唔出墨汁味，不过真心又大份又好食，一口香肠夹多个蒜一齐食，PERFECT MATCH烧仙草($38)＋红豆(+$6)因为唔食得冻野既关系，于是叫左热既仙草芋圆做甜品。一望落去以为黎左碗廿四味搅混左之后发觉入面除左芋圆份量唔系好多之外，其他都好足料，每啖都食到唔同既材料。个人觉得呢间台湾菜味道唔错，虽然唔算特别深刻，但系以份量同价钱取胜，系观塘呢区的确系唔错既选择，值得推介。