小時光 (已結業)

之前有食过小时光，咁啱阿妹放假，又未去过，就带佢试下，反正少女系最最紧要打卡。水蜜桃红茶（$28）香酥鸡块（$50）因为周末餐点系唔包饮品既，需要正价。哩个红茶就比较普通，胜在卖相搭够。香酥鸡块，外皮炸得几干，都算酥脆，味道也不怕太咸，喜欢浓味既朋友，可以点蝶边既辣粉。鸡块其实颇有台湾风味。台式红烧牛肉便当（$60）牛肉有筋有腩，都炆得入味，酸菜可以减轻啖啖肉既腻感，不过都几酸下。台南盐水鸡意面（$58）其实哩个好抵食，有一碗面，同一碟卤水𩠌。钟意卤水既猪耳丝同海带丝，萝卜都入味，不过皮就比较厚。整体来讲，CP值就几高既，比较真系唔贵，同埋食物都唔错既。而且环境好有怀旧同古早味，可以无限打卡。但系服务就麻麻地，不过本身服务都无咩期待既，收银个女仔唔好咁西口西面就好了。