古早牛肉麵 (已結業)

古早味，本来系古老、传统同怀旧嘅意思，但对我黎讲，就系我心目中对台湾嘅感觉。行开深水埗区偶然来到呢间网上评价唔错嘅餐厅，入面水泥工业风嘅墙身，同埋各式各样台湾旧时代嘅招牌，勾起我去台北淡水区行古早精品店嘅回忆。店内午市套餐价钱好亲民，主菜、小食同饮品选择好多。好多小食都想试，最后点左一个主菜加两个小食。招牌红烧牛肉配牛骨汤面（$60）牛骨汤味道香浓，牛肉系厚切后一字排开向面上边， 份量好多，牛筋同牛肉分布平均，煮得好稔，有充满胶质嘅口感。面比较粗身同烟韧，萝卜亦都索晒汤嘅味道，正。宜兰迷你葱肉馅饼（跟餐加配+$16）我冇去过宜兰，但觉得呢个馅饼本身做得好好食，系今餐最喜欢嘅食物。外层似煎饺子皮，里面嘅菜肉馅系有爆汁效果，要小心食。台式小香肠（跟餐加配+$14）细细条好易入口，非常香口，有西门町山猪肉烤香肠嘅味道。茉香珍珠奶绿（$15）呢个系跟餐饮品转台式饮品减$10后嘅价钱。味道几清新，但个人觉得珍珠可以再煮软少少。