古早味台灣原味 (已結業)

C兄周末将从此被困，记得小师弟四月寿辰，所以就衬周二晚未太忙时，请去「古早味台湾原味」一试佢近期恋上o既台湾牛肉面作长寿面，贺一贺XO仔。餐店红色o既招牌好抢眼。配合埋地上o既石径、木造枱櫈及屏风，装潢中国风味浓厚。每个座位面前都有齐备o既餐具。彩图餐垫清楚道出店子o既理念及来由，原来「古早味」乃传统风味也！嘻嘻，庆生指定动作第一招当然系要啤一啤佢啦～～朝日生啤万岁！醉鸡卷（$88）：C兄真系好有小肥心架，话生日一定要食鸡，所以专登留定咗份必先预订o既特色醉鸡卷。醉鸡卷除咗花雕味香醇，仲渗透著杞子粒o既清甜。薄薄o既鸡皮外层好软滑，皮下o既去骨鸡肉柔软润泽中带点脆脆，好有惊喜！红烧三宝面（$75）：姐姐介绍靓面汤底每日以牛骨炖制，三宝为牛腱、金钱肚及牛筋。牛肉汤香浓带甜及微辣，粗粗o既面条烟烟韧韧，极啱XO仔口味！配料牛腱软，金钱肚够爽脆，牛筋则非常腍滑，各有特色，唔怪得知老友记一个星期可以黎食几次晏咁棒场啦！两口子每人食咗一碗面仲想饮多两杯，所以就叫多两款香口小食，另加多碟菜黎送酒。蒜蓉炒A菜（$58）：A菜翠绿鲜脆，蒜香惹味可口。花枝虾排（$38/两块）：首次食o既花枝虾排不单香脆