品記鮮粉人家私房菜館

营业中

休息中

今日朋友带咗我嚟呢间喺土瓜湾嘅品记鲜粉人家私房菜馆，WhatsApp订座好方便。朋友推介古法羊腩煲，其实我平时唔系太食羊肉，怕佢阵膻味，但系呢个汁煮得好出色，所以我都食咗好几件，最钟意就系佢啲支竹，索晒啲汁好好味。之后打边炉就点咗手切本地牛肉，分量超多，铺满只碟之余仲会叠咗几层，靓雪花又有肉味，正！手打虾滑都好弹牙，入面仲混有一粒粒嘅虾肉。白灼八爪鱼粒又系值得推介嘅菜式，捞咗秘制酱汁，再加啲芫荽，送酒一流。夫妻肺片同样惹味。生菜都好新鲜，配羊腩煲嘅汁真系正到不得了。最后就点个红糖糍粑做甜品，虽然呢度唔系做川菜，不过味道同样出色。原来呢度7:30前埋单有八八折，唔怪得朋友咁早拉我过嚟啦。