Gastrobox The Union (已結業)

今日同侄仔去揾好嘢食！谂住新一年去食啲高级啲贵啲嘅嘢，顺便奖励下自己同屋企人。我地商量后决定去Gastrobox,呢间餐厅好易去，喺坚尼地城站C出口出嚟之后就喺公园后面，非常之易行， 喺西环应该都算高级啦。呢间店非常之古色古香啊！天花嘅吊灯劲有怀旧风味！隔离仲有个吧枱放咗好多高级酒，环境都ok, 侍应服务好好，我哋一坐低就先嚟两件西多，座位都坐得好舒服。我睇咗餐牌就叫咗碟烤特级安格斯西冷牛扒，要咗7成熟。好好食呀，又唔会韧㖞，非常之好咬口，可以话系入口即化。佢比果个酱汁都好适合沾牛扒食，薯仔都好好食，连个薯仔皮都入晒味，唔会苦。我侄仔就叫咗个法式香草烧嫩羊仔鞍，佢嘅膻味比较淡唔会话对比起普通餐厅食到嘅咁膻，唔钟意食羊嘅人一般都系惊啲膻味，但我侄仔话呢款羊鞍适合所有人食，惊羊膻味嘅人都可以试下咁。饮品方面我哋就叫咗菠萝汁同Cappuccino再加多杯雪糕做甜品。呢一餐我侄仔话食得好满足，仲叫我第日多啲请佢去食，哈哈！