泰豊廔酒家

营业中

休息中

男朋友话想带我黎依度好耐，终于揾日去试食。一入到去系一间布置到好古色古香的中菜馆，上楼梯到去就揾位坐低。环望四周，发觉依度第一个特色就系啲侍应年纪比较大。坐低后打开菜单后看，真系十分怀旧，价钱系手写，一碟𩠌都有唔同大小，岩哂唔同组合黎食。我地两个人，点了2个𩠌，1个面，虽然已经嗌咗细碟，但都食到好饱。1.甜酸鱼块一食就觉得佢唔系平时食开好淋果啲雪藏鱼柳。唔敢话系用鲜鱼炸，但依款好有口感，同埋炸粉唔厚。加上甜酸度适中，的确唔错！2.羊肉面 首先，我想讲我超钟意依个面质，烟烟韧韧，好有咬口。而且很有羊味，汤底也不错。下次一定再嗌3.北京填鸭食咗两味𩠌已经好饱啦，差啲食唔落。虽然系依度嘅招牌菜，但我觉得又唔系好食特别好食。所以唔一定嗌。整体黎讲，价钱唔算贵，同出面打冷差唔多价。其实我最钟意系个面，下一次再试下其他嘢先。