北京老家 (已搬遷) 新店位置

今晚同屋企人聚会，去咗呢间食北京菜，之前一直听口碑都唔错而且价钱唔贵，所以今晚决定去一试～呢度嘅装修好古色古香，一坐低发觉张枱好特别，枱嘅中间下面原来系个鱼缸有金鱼游来游去，睇住金鱼食饭感觉好得意！😍呢度餐牌入面好多款式，叫咗几个凉菜：葱油海蜇：几香几爽；鸡丝粉皮呢度整得几好，粉皮好滑又唔会太淋，配埋酱食好味；醉鸡好好食，酒味香浓鸡肉亦都好嫩滑～凉菜之后其实有好多野都好想食（太多选择搅到选择困难发作）最后都叫咗好多款嚟试～😬😋小笼包味道唔错，烤羊肉串几好食，唔会un同好有羊味；松仁鱼，啲雨已经去咗骨，炸得几松脆，鱼肉几滑，最钟意啲汁酸酸甜甜配埋个鱼食好开胃！🤤主角当然系北京填鸭，啲皮烤几香，啲肉几嫩，呢只鸭有啲肥但系反而我觉得更好味因为多一份油香，整体都好好食如果可以热返少少更好～😋👍🏻叫左个炒刀削面，呢个估唔到好友惊喜炒得好好食！刀削面唔会太林又唔会硬，刚刚好，而且抄得好香镬气好够，呢个大家都觉得我唔到好好食！🤤🤤👍🏻食咁多肉都叫咗两个菜平衡下，上汤津白正常味道，反而炒莴笋好好味好爽甜～食完虽然好饱但都忍唔住要试吓佢个拔丝香蕉，好好味！出面有一层脆糖入面香甜嘅香蕉肉，虽然邪恶但系好正