九龍坎麻辣火鍋

营业中

休息中

值得推介俾大家一大班朋友去食，设计古色古香宫廷风装修，另外有多个卡位，同埋特色房间，唔怕俾人骚扰，另外值得赞赏系传菜姐姐好有礼貌，服务态度非常良好，菜式好多选择，所以多啲人可以食多啲唔同款式嘅火锅配料，而且仲有雪糕雪条供应！▪️ 招牌手切牛肉：牛肉超乎我预期，绝对好过火锅餐厅好贵嘅牛肉，肉质新鲜脂肪分泌均匀，入口即溶美味指数:🌟🌟🌟🌟🌟▪️ 猪黄喉：之前喺出边火锅舖都系食牛黄喉，但系猪黄喉都系第一次食到，最啱本身唔系好食牛肉嘅朋友，而质地同牛黄喉冇乜分别，如果唔讲都唔知道分别美味指数:🌟🌟🌟🌟🌟▪️ 黑鱼片：本身唔系咁钟意食鱼，因为怕吞骨，但系朋友极力推介我食咗一旧，肉质都鲜嫩美味指数:🌟🌟🌟🌟▪️ 毛肚：另一样必须要推介俾大家就系毛肚，其他麻辣火锅嘅毛肚会切到好细片，所以食落冇乜咬口，但系呢度做法非常好，每片都有差唔多手掌咁大，所以食落去有口感可以慢慢咬美味指数:🌟🌟🌟🌟🌟▪️炸芋头：传菜姐姐送到嚟嘅时候除咗讲趁热食佢仲赞我哋好叻识得叫炸芋头，佢话呢度嘅炸芋头非常好味，食落脆卜卜仲好香芋头味美味指数:🌟🌟🌟🌟🌟